Вториот дел од еден од најпопуларните филмови Avatar, ќе стане достапен за „стримување“ преку Disney+ од 7 јуни. Avatar: The Way of Water стана достапен во кината од крајот на минатата година, а според бројките тој е еден од најгледаните филмови со заработка од 2,32 милијарди долари.
Приказната во вториот дел од филмот се случува повеќе од десет години по првиот и ги следи животот на „Џејк, Нејтири и нивните деца. Да не откриваме повеќе за тие што го немаат гледано филмот.
На Disney+ филмот ќе дојде со бонус содржина од продуцентите, актерите и екипата.
„Avatar: The Way of Water“ дебитираше во кината на 16 декември и стана третиот филм со најголема заработка на сите времиња во светот со речиси 2,32 милијарди долари на бокс офисот. Номиниран за бројни награди Оскар, вклучително и за најдобар филм, филмот исто така постави нов репер за визуелните ефекти.“ – истакнаа од Disney.
Во продолжение можете да го погледнете „трејлерот“ од најавата на Disney+.
