Изгледа дека конечно го гледаме крајот на исечоците, дупките, но и на интересните системи кои ја прикажуваат камерата преку механизам. Мене лично никогаш не ми се допаднаа исечоците, иако ефектот на поголем екран којшто го прават е реално видлив, но изгледа е прашање на навика, а никогаш не купив таков телефон.

Крајот на исечоците доаѓа поради тоа што конечно се најавува технологија која се прашувавме кога ќе дојде, а тоа е технологијата која овозможува поставување на селфи камерата под екранот без истата да се гледа или да пречи во прикажувањето на содржината.

Први со најава дека ја имаат развиено потребната технологија се кинезите, односно две компании од оваа земја. Прво со најава излегоа Oppo, по што веднаш „одговори“ и Xiaomi.

Oppo прикажа видео во кое прикажува демо уред со селфи камера под екранот, а се што покажува дека таа е поставена таму е кратка анимација каде би биле нејзините рамки.

Xiaomi, за разлика од Oppo, својата технологија ја презентира на целосно функционален и веќе претставен модел, односно Mi 9. Сепак, не е јасно која од овие две компании е подалеку со развојот и која прва на пазарот ќе претстави уред.

Ова се добри вести и од аспект на конкуренцијата. Производителите кои се на врвот од листата секогаш доцнат малку со претставување на вакви технологии, но затоа нивната имплементација обично е подобра и поквалитетна.

Се надеваме дека Note 10, којшто треба да биде претставен за некој месец ќе има ваква камера, а ако не, сигурни сме дека наредните S модели идната година ќе немаат исечок или дупка за предната камера.

ИЗВОРThe Verge
ИЗВОР 2TechRadar
Претходна статијаChevrolet „Buckle to Drive” нема да им дозволи на тинејџерите да го вклучат автомобилот додека не го стават појасот
Следна статијаApple го откажува iTunes на сметка на новите посебни сервиси
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.