Tesla штотуку ја изгради (убедливо) најголемата литиум-јонска батерија во светот, која се наоѓа во Австралија и која има за цел да ги реши проблемите со снабдувањето со струја во далечните региони на таа земја. Батеријата има капацитет од енормни 100 мегавати и може да снабдува 30.000 семејства (домови).
Идејата зад толку голема батерија е таа да ја собира енергијата од сонцето и пред се ветерот (Hornsdale Wind Farm) преку ден и потоа да може да ја испорача кога ќе падне мрак. Градењето на оваа батерија е одговор на се поголемите проблеми со снабдување со струја во пределот на Џејмстаун и Аделаида, каде треба да ги реши проблемите на тамошното население.
Цената на батеријата инаку изнесува 114 милиони американски долари и е дел од напорите на властите во Австралија да понудат евтина и одржлива електрична енергија за граѓаните на Јужна Австралија. Изборот за изградба на батеријата на Tesla е инаку направен преку тендер, на кој учествувале преку 90 различни компании.