msftholonfllede-jt

Софтверскиот гигант Microsoft е еден од главните спонзори на NFL лигата во САД – тимовите користат нивни “Cloud” сервиси, како и Surface таблети за следење на натпреварите и цртање на нови тактики директно на таблетот. Сега, Microsoft покажа и концепт какви придобивки може да имаат гледачите на малите екрани, со еден HoloLens на очите.

Секако, на видеото е прикажано гледање на Super Bowl финалето во американски фудбал (оној погрешниот фудбал), но ние секако дека може да го замислиме како направа за гледање на нашиот, вистински фудбал. Бидејќи се работи за уред кој ја изменува реалноста, гледачот ќе може да види поширока слика од теренот околу својот телевизор, заедно со многу повеќе податоци за играчите, тактиките и слично.

future-of-football-1-100642961-large

Потоа, гледачот дури може и да го префрли цел терен на својата маса, во 3D. Замислете како да гледате фудбал, но играчите да играат на вашата маса, како 3D објекти. Да, ова делува по малку и бизарно, но овозможува многу поблиско следење на случувањата на теренот и е дури и реално изводливо. Секако, со HoloLens можете и да си поиграте со својот главен херој – на пример серва со некој фудбалер во вашата соба.

За многумина носењето на HoloLens очилата, кои реално имаат прилично големи димензии, веројатно не е најудобно за гледање на возбудлив натпревар, но Microsoft веќе има план да продаде неколку демо уреди на дивелоперите за 3000 долари во наредниве месеци, за жал по прикажувањето на Super Bowl-от меѓу Carolina Panters и Denver Broncos.

Извор: The Verge, Engadget, PCWorld

Претходна статијаПокажи ги своите дизајнерски и програмерски вештини и креирај своја блог платформа
Следна статијаПрви шеми од iPad Air 3 – Ќе има четири звучници и Smart Connector, исто како iPad Pro?