Со оглед на тоа што дроновите, односно беспилотните летала, станаа нормално секојдневие, не е ни чудно што почнаа да се случуваат вакви работи. Сепак, летањето на летало не е до толку едноставна работа и покрај сите алгоритми за помош и стабилизација, па обичните корисници ќе наидуваат на ситуации во кои што ќе изгубат контрола.
За време на Светскиот куп во скијање, едно вакво летало за малку падна врз еден од учесниците за време на слалом спуст. Од видеото подоле може да се види дека само неколку секунди биле потребни за дронот да паднел директно врз скијачот, па тој да биде повреден.
Дронот инаку бил во сопственост на еден од многуте медиумски претставници на настанот и на него очекувано биле поставени камери наменети за снимање на скијачите, кои што само додаваат на тежината. Од видеото може да се види дека не се работи за оние мали аматерски дронови кои што можат да носат само мала камера.
Овој случај, како и низа на претходни е показател дека новите технологии иако носат напредок, треба да се внимава како се користат до доволно голем развој. Летањето на дронови треба да се прави од нешто подобро обучени корисници, а посебно кога не се работи за приватна ситуација на некоја ливада.
ICYMI: A falling drone nearly crushed @MarcelHirscher in Italy Tuesday night. https://t.co/Ptl4Tnxuv3 pic.twitter.com/LXvSqN1FJQ
— NBC Sports (@NBCSports) December 22, 2015
Извор: Ars Technica, NBC Sports