audi-ces-dash

Развојот, а со тоа и достапноста на технологијата денес овозможува нејзина примена во скоро сите аспекти од живеењето и користењето на разните уреди и машини. На CES2014 Audi претстави ново интересно, а и навистина практично решение, кое на местото на стандардната шалт табла, информационата табла зад воланот каде што се брзинометарот, нивото на бензин и слично, има поставено 12,3 инчен екран. На истиот покрај стандардните информации кои се очекуваат од оваа табла, може да се видат и нови информации, до сега достапни само на board компјутерот од автомобилите.

Користењето на екран, наместо фиксни инструменти е доста корисно и овозможува неограничен број на можни комбинации на информации кои би му биле достапни на возачот. Истите може да се менуваат, па зависно од потребата и ситуацијата, возачот да избира која група на информации би сакал да ги гледа.

audi-dash-ces-2014

На CES 2014 настанот, Audi ја изложи само кабината од својот TT модел во која што е вграден екранот. На истиот покрај брзинометарот и сличните информации, може да се видат и информации и контроли за музика, навигација, како и најинтересно голема мапа на целиот екран, која што го прави возењето и гледањето на насоките многу поедноставно и посигурно. Контролата на тоа што е прикажано на екранот се прави преку копче поставено позади менувачот. Истото има можност за вртење, со што се селектираат прикажаните опции во менито, како и можност за притискање. Копчето исто така има и додатна функција, односно сензор за допир кој се користи во ситуации, на пример, за испишување на текст, па наместо долгото и нефункционално скролање по буквите, во овој случај корисникот се што треба да направи е да ја испише буквата со својот прст и истата ќе биде препознаена.

Во продолжение можете да го погледнете демото од овој концепт на Audi, снимен од страна на Engadget порталот.

Претходна статијаSharp претстави 85 инчен телевизор со 8К резолуција
Следна статијаSamsung Galaxy S5 ќе биде достапен од Април, ќе има целосно нов дизајн
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.