Microsoft вчера потврди дека таканаречената Anniversary Update за Windows 10 ќе биде официјално достапна за инсталирање почнувајќи од 2-ри август бесплатно за сите корисници на Windows 10.
Она што не беше познато е дали во исто време ќе започне и надградбата на мобилните уреди, кои после долго одложување, сепак ја добија официјалната Windows 10 верзија оваа година.
Потврда за ова дојде од главната на Windows Insider програмата Дона Саркар, која го замени познатиот Гејб Аул, преку нејзиниот Twitter профил. Таа исто така нагласи дека надградбата ќе започне прво за десктоп и мобилните уреди, а истата ќе биде пуштана постепено, односно нема сите да ја добијат во истиот ден.
Тоа е така поради големиот број на корисници, повеќе од 350 милиони, кај кои може да се јават проблеми, како што беше случајот минатата година. Во постепеното пуштање на надградбата, се намалуваат шансите за појава на проблемите кај огромен дел од корисниците, а доколку се јават, надградбата може да биде паузирана за останатите и со тоа да се избегне „лоша“ ситуација.
@A_Deerslayer It will start to roll out 8/2. It will take some time since there are a *lot* of machines globally to update.
— Dona Sarkar (@donasarkar) June 29, 2016
Извор: Windows Central, MSPU, PCWorld
