Microsoft особено напорно работи на поврзување на нивните сервиси, но и на останатите апликации за Windows со оние на платформите на конкурентите. Project Rome for Android SDK на пример овозможува поврзување на апликации и сервиси меѓу Android и Windows, нормално се додека апликацијата ја има и на двата оперативни системи.

Идејата е едноставна – Microsoft сака да направи сервиси кои ќе можат да функционираат независно од платформата на која се наоѓаат и дури да може да има интеракција меѓу нив. На пример, со Project Rome ќе овозможи менување на параметри на вашата Windows апликација, преку вашиот Android смартфон.

На пример, песните во вашиот компјутер или пак на вашиот Xbox One ќе можете лесно да ги менувате, паузирате и сл. преку вашиот Android смартфон. Нормално, двата уреди ќе треба да бидат поврзани на истата Wi-Fi мрежа или пак преку Bluetooth и корисникот да биде логиран со истата Microsoft сметка.

Примерот во музичкиот плеер е сепак само почеток – Microsoft очекува дивелоперите да направат многу покомплексни решенија кои ќе можат да извадат максимум од Project Rome for Android SDK. Дивелоперите можат уште сега да почнат да работат на вградување на ова SDK во своите апликации – се што треба е да одат на GitHub и да го симнат Project Rome, како и целосната документација за Java и Xamarin.

Извор: ONMSFT, Neowin, Windows Blog

Претходна статијаFacebook Live отсега и преку десктоп
Следна статијаНорвешка сака да го изгради првиот тунел за бродови