untitled-2-grouped-796x382-copy

Messaging апликацијата требаше да биде задолжена за SMS и Skype пораките во Windows 10 и Windows 10 Mobile, но Microsoft во последен момент направи промена и најави дека Skype Preview апликацијата ќе биде задолжена и за двете функционалности.

Имено, отсега кај Windows Insider корисниците, Skype Preview апликацијата се користи и за праќање/примање на SMS пораки. Најдоброто од се е што SMS пораки ќе можат да се праќаат и од апликацијата од вашиот Windows 10 компјутер. Ова значи дека SMS пораки ќе може да пишувате додека сте на вашиот компјутер, без да има потреба да го земете телефонот во рака.

Skype Preview целосно ќе ги синхронизира и SMS и Skype разговорите во апликацијата, што значи дека ако прочитате некој SMS на вашиот компјутер, тој ќе биде „прочитан“ и на вашиот паметен телефон.

Ако помисливте дека Skype и досега имаше можност за праќање на SMS пораки, тоа беше возможно само ако платите за нив и ги пратите од својот Skype број. Отсега, Skype Preview ќе ги праќа пораките преку вашиот Windows 10 Mobile паметен телефон, поточно сметката на вашиот телефон. Досега, преку Windows 10 компјутер можеше само да се одговори на веќе пратена SMS порака, што функционира со Windows 10 Mobile и Android телефони со активирана Cortana.

Оваа промена засега е достапна само за Windows Insider корисниците, но Microsoft најави дека и останатите корисници ќе ја добијат во наредните неколку месеци. Покрај можноста за праќање на SMS пораки преку Skype Preview од вашиот компјутер, Microsoft најави и други промени во оваа апликација, како подобрувања во чет искуството (ќе има преглед на пратен линк во Skype, исто како што има Messenger), полесно јавување и проѕирна плочка за почетниот екран кај Windows 10 Mobile корисниците.

Сите кои сте на Windows Insider и имате инсталирано Skype Preview, за да ја активирате новата SMS функцијата, отидете во нагодувањата на вашиот телефон и кликнете на “Make Skype your default messaging app”, а потоа отидете во нагодувањата на Skype Preview на вашиот компјутер и изберете “Enable Skype on this device to sync my SMS messages”.

Извор: The Next Web, Venture Beat, Windows Central

Претходна статијаПазарот на паметни часовници се’ уште со слаб раст
Следна статијаXiaomi Mi 5s ќе биде првиот телефон во светот со читач за отпечатоци вграден во самиот дисплеј