Три месеци по воведувањето на можноста за истакнување на професијата и образованието на Tinder, од компанијата излегоа со првите статистики за тоа кои професии се покажале како најбарани кај корисниците.
Статистиките не се од корисниците во целиот свет, туку само од САД, па не можеме да знаеме дали кај нас би било слично. Кога ќе се погледнат одредени професии на листата, сигурно може да заклучиме дека во Македонија листата би била делумно различна.
Најбараните професии кај мажите, односно професии кои добиле најмногу лајкови се пилот, основач/претприемач, пожарникар, доктор, ТВ и радио личност. Кај жените листата вклучува професии како физиотерапевт, внатрешен дизајн, основач/претприемач, ПР/комуникации, учител.
Целосната листа на професии можете да ја погледнете на следната слика.
Дали оваа листа е реална не сме сигурни, односно дали одлуката за лајкување на некој корисник е под влијание и на професијата.
Извор: Tinder
