Повеќето Android Launcher-и во главно може да се каже дека се обидуваат да ги надополнат можностите, како и корисничкиот интерфејс на стандардниот од Google или од производителот на телефонот.
Овој тип на апликации се доста популарни, посебно кај понапредните корисници кои сакаат малку повеќе да имаат контрола над нивниот главен екран и неговите можности.
AIO Launcher е наменет за овој вид на корисници, меѓутоа тие кои во главно ја ценат функционалноста, а не „помпезниот“ дизајн.
Кратко објаснување за читателите кои можеби не користеле до сега Launcher на нивниот смартфон. Се работи за апликации кои го менуваат стандардниот интерфејс на главниот екран, односно делот каде што се поставуваат иконите од апликациите, виџетите и слично.
AIO Launcher прикажува низа на информации во главно текстуален формат и тоа подредени еден под друг на главниот екран. Не е направен во стандардниот стил на икони, меѓутоа е корисен за корисниците кои веднаш сакаат да имаат одредени информации кога ќе го отворат својот телефон.
Информациите кои се прикажуваат на главниот екран се следните:
- Временска прогноза
- Системски монитор
- Player
- Често користени апликации
- Често користени контакти
- СМС
- Dialer
- Тајмер
- Е-Пошта
- RSS
- Твитер
- Календар
- Девизни курсеви
- Биткоин
Доколку ви звучи добро тоа што го нуди овој Launcher, можете да го симнете и пробате преку Play Store, односно преку следниот линк.
Извор: XDA Developers, TNW
