Microsoft чиј оперативен систем важи за омилен меѓу гејмерите, ќе ја претстави најновата верзија на софтверското решение DirectX 11 кое уште од 1995 година овозможува графички развој на игрите на Windows.
Ова не е изненадување бидејќи со претставувањето на новите графички картички на Nvidia и нивните напредни карактеристики, нормално е Microsoft да понуди нова верзија на софтверското решение за DirectX кое ќе може да ги рендерира сите технологии кои се потребни за беспрекорна графика. Оваа нова верзија 11.3 претставува предвесник и содржи дел од технологијата што ќе ја нуди долгочекуваната DirectX 12.
Секако ова доаѓа во совршено време, кога Microsoft на голема врата го подготвува светот за новата верзија на оперативниот систем Windows 9.
Ова многумина го толкуваат како обид на Microsoft да ги истисне другите верзии на оперативниот систем надвор од употреба. Таков беше случајот со DirectX 10 кога од компанијата го направи софтверското решение ексклузивно за Windows Vista, оперативен систем кој баш и не наиде на позитивни реакции. Па затоа можеби Microsoft потврди дека сите графички картички со DirectX 11 ќе подржуваат и DirectX 12.
Новите технологии Rasterizer Ordered Views, Typed UAV Load, Volume Tiled Resources, and Conservative Raster меѓудругото ќе дозволат да се создаваат комплексни транспарентни објекти, ефекти на чад како и пореални светлосни ефекти.
Извор: LostinTechnology
