Сигурно имате слушнато многу пати до сега дека Internet Explorer е најдобриот интернет прелистувач за симнување на Google Chrome. Шегата на страна, овој прелистувач не успеа да се пробие кај корисниците, па во главно го користеа постарите корисници и тие коишто мораа поради деловните веб апликации.

Microsoft Edge, новиот прелистувач во Windows 10 требаше да го стави угледот на Internet Explorer во минатото. Реално, Edge е многу подобар прелистувач кој ги вклучува повеќето функции кои би се очекувале од еден модерен прелистувач, а мора да се признае тој е и прилично брз и компатибилен со најновите веб технологии.

Сепак, Edge изгледа сѐ уште не е среден како што треба, па Microsoft ризикува да полека и тој го добие угледот на IE, односно како најдобар прелистувач за симнување на некој друг.

Во тој правец оди една случка од презентација на Microsoft каде вработениот кој во моментот презентира демо поврзано со Azure, успешното „клауд“ решение од компанијата, не може да продолжи поради тоа што Edge не функционира како што треба и се кочи.

Поради тоа тој се решава на сред презентацијата да го инсталира Google Chrome, па успешно да продолжи со својата презентација. Во меѓувреме тој се шегува, односно не дозволува да проблемот биде уште поголем.

Од мое искуство, Edge навистина во многу ситуации се случува да се закочи и да мора да се користи друг прелистувач со цел завршување на започнатата работа. Поради таа причина, а и уште неколку други недостатоци, јас уште сум верен корисник на Mozilla Firefox.

Во продолжение можете да го видите и видеото од интересната случка.

Извор: The Hacker News, ExtremeTech

Претходна статијаHTC U11 Plus има помали рамки и опција со полу-проѕирен заден дел
Следна статијаСмартфонот на Razer има дисплеј со 120 Hz и супер моќни стерео звучници
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.