Smartportal Ви ја претставува Ninja vs. Monster, Sci Fi мобилна игра наменета за Android и iOS. Играта е првенец на компанијата Aleks Developments од Куманово. Се работи за First person shooter во стилот на старите добри аркадни игри од флиперниците.
На почетокот ви е доделен карактер кој низ текот на играта го надградувате. Протагонистот има на располагање неколку видови оружја кои ги користи за уништување на монструмите. Играта нуди опција за играње по принципот на нивоа или извршување предизвици.
Задачата во играта е да преживеете што повеќе непријателски бранови и да поразите што повеќе Boss-ови. За успешно извршување на мисиите потребни се брза реакција, стратегија и логика. Нивоата се предизвикувачки и забавни.
Играта е во рана фаза на развој меѓутоа нуди потенцијал да се развие на VR или друга платформа. Ninjas vs. Monsters е бесплатно достапна на Google Play и iTunes продавниците, каде веќе брои речиси 2.000 „симнувања“.
