Microsoft ги усовршува постоечките игри за подобра компатибилност на Xbox One X

Главната предност на играчките конзоли пред традиционалните компјутери е фактот дека сите игри речиси совршено функционираат на нив. Ваквата ситуација е логична бидејќи тоа е примарната намена на конзолите, а и самите игри се дизајнирани да одговараат на перформансите кои конзолите ги поседуваат.

Меѓутоа, развојот на играчките конзоли во изминатата декада имаше неверојатно динамично темпо и зад себе создаде неколку генерации на конзоли. Како лидер во овој „спорт“ се најде платформата Xbox, чија актуелна ѕвезда е Xbox One X.

Познато е дека добар дел стари игри доживуваа свои дополнети верзии, продолженија и слично, со цел да се реактуелизираат и да ги искористат благодетите на новопроизведените конзоли. По примерот на конкуренцијата и Xbox реши да издаде цела листа на игри, означени како „Enhanced“, кои ќе можат да го тестираат капацитетот и можностите на One X.

Тоа ќе значи дека визуелното искуство ќе биде во 4К со HDR, но и цел куп новини кои се однесуваат на играчкото искуство. Фактот дека One X е солидно помоќен во однос на неговиот претходник, ќе значи дека истите игри ќе добијат поголем број fps што ќе го подобри комплетното играчко искуство и ќе го намали времето за вчитување, што се јавуваше како еден од главните недостатоци на платформата.

Искажано со бројки, Microsoft, кој стои зад брендот Xbox, ќе понуди гејминг искуство со брзина на 12GB GDDR5 графичка меморија, така што на секој фрејм ќе му биде посветена пропусност од 326 GB/sec меморија. Звучи импресивно, меѓутоа допрва останува да се оцени дали „подобрувањата“ ќе ги оправдаат сретствата.

Кои се’ наслови ќе бидат опфатени? Тешко да се процени, но сега за сега листата е солидно долга и се очекува да расне.

Извор: TechnoBuffalo, MN