После неколку години најави, Microsoft конечно го направи целосниот Office 365 достапен и на Windows Store. Овој потег е направен пред се поради Windows 10 S, оперативниот систем на кој може да се инсталираат апликации само од Windows Store, но и за повлекување на останатите дивелопери да ги направат достапни своите Win32 програми и апликации таму.

Останатите дивелопери, се што треба да направат е да ги префрлат своите Win32 програми на Windows Store со Centennial Desktop Bridge Tool. Ова сепак ќе ги направи достапни само за корисниците на уреди (десктоп и лаптоп) со Intel процесори. Оние кои имаат ARM уреди, како на пример Windows 10 Mobile смартфоните, ќе треба да почекаат до лансирањето на Windows верзијата за ARM чипови, на која ќе може да се инсталираат и класични Win32 апликации.

Да бидам искрен, работите се’ уште делуваат прилично измешано за обичниот корисник, но Microsoft оди во вистинска насока со лансирањето на Office за Windows Store. Очекувајте со овој потег Windows Store да стане барем малку побогат и да го отвори патот кон целосен Windows на помали и помобилни уреди (слични на смартфони), на кој ќе може да имате и програми како целосниот Photoshop на пример.

Како и да е, во моментов Office 365 верзијата од Windows Store има и неколку ограничувања, од кои најголемо е тоа што се работи за 32-битен програм. Ова не би требало да претставува проблем за поголемиот број на корисници, бидејќи ретко која Windows програма користи повеќе од 3,5 GB рам (колку што може да прочита 32-битна програма), но има такви кои би можеле да имаат проблеми. Решение секако е симнување на 64-битна верзија на Office 2016 директно од интернет.

Извор: The Verge, Tech Republic, ZDNet

Претходна статијаGalaxy Note 8 ќе биде претставен на IFA во септември?
Следна статијаOppo F3 смартфонот со двојна селфи камера, отсега достапен и во „црна мат“ верзија