Project Spark е алатка којашто на корисниците им овозможуваше да направат сопствена игра. Со други зборови, Project Spark е направена во форма на игра која овозможува креирање на сопствена комбинација на светови, елементи, нивоа и слично, па зачувување како игра која може да се игра на Xbox One и PC.
За жал, од компанијата се одлучија овој проект да не продолжи да биде развиван, што значи дека ќе престане да функционира.
Од 13 мај апликацијата веќе не е достапна во продавниците за апликации, а од 12 август и целосно ќе престане со работа.
Објаснувањето кое го даваат од Microsoft е дека вработените кои работеле на развојот на Project Spark се распределени на други проекти, па веќе не им е изводливо да продолжат да работат на развојот на проектот.
Дали ова значи и дека популарноста и користењето на алатката не биле доволно големи за да се оправда насочување на компаниските ресурси, не ни е познато, меѓутоа сигурни сме дека тоа е и случајот до некаде.
Извор: Project Spark, Windows Central, The Verge