Уште од времето кога видеа и музика почнаа да се преработуваат на компјутер, уредите на Apple беа првиот избор на професионалците. Причината за тоа е понудата на одличен софтвер за овие работи, вклучувајќи ги GarageBand, iMovie и iWork, кои отсега се целосно бесплатни.
Нормално, за да можете да ги користите овие апликации, ќе треба да имате компјутер со Mac OS или iOS оперативен систем, односно MacBook лаптоп, iPad или iPhone. Овие апликации сепак не се моќни како десктоп програма – самото тоа што се достапни за iPhone го најавува тоа, но многу корисници веќе ги користат и за професионални апликации, за што особено помага тоа што се лесни и работат на супер преносливи уреди.
Претходно, овие апликации чинеа 4,99 долари на iOS (iWork чинеше 9,99 долари и тоа само за една апликација, како на пример Pages која е замена за Word), додека оние за Mac OS чинеа 14,99 за iMovie и GarageBand, односно 19,99 за iWork Pages, Numbers или Keynote посебно.
На овој начин, Apple веројатно сака да го зголеми користењето на нивни софтвер на нивните уреди. Иако популарни, нивните апликации имаат жестока конкуренција од други слични на нив, како на пример Microsoft Office Mobile. Единствено GarageBand е апликација која е без реална конкуренција на ниту една платформа, бидејќи им овозможува на музичари и артисти со малку средства да произведат квалитетна музика.
Извор: The Verge, Engadget, Mac Rumors
