Крајот на оваа, односно почетокот на идната недела изгледа ќе биде навистина интересен за тие што ги следат новостите од светот на паметните мобилни телефони. Како што веќе знаеме и сме во исчекување, Samsung ќе ги претстави Galaxy S9 и S9+ во недела на 25 февруари, а веќе наредниот ден на нив ќе возврати Sony.

Тие најавија настан за 26 февруари, меѓутоа повеќе информации за тоа што ќе биде претставено, односно какви модели, од која класа и слично, не е познато, па само може да претпоставуваме.

Повеќето би сакале да видиме нешто што ќе може да им конкурира на одличните модели на Samsung, меѓутоа од видеото кое Sony го објави на Twitter како најава, буквално се што може да претпоставиме, а поврзано и со неколку други информации, е дека уредите ќе имаат посебна форма која многу подобро ќе „лежи“ во раката.

Се претпоставува дека Sony ќе претстави два модели, односно Xperia XZ2 и XZ2 Compact, како што е трендот кај повеќето производители, а посебно кога претставуваат модели од највисоката класа.

Како и да е, во понеделник ќе дознаеме дали Sony ќе претстават нешто што ќе успее да украде барем мал дел од корисниците на Samsung.

ИЗВОР 2T3
Претходна статијаПремиерно издание на „the Gentlemen’s Expo“ во Скопје
Следна статијаСенатот на САД ги покажа рекламите кои направија скандал на Facebook
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.