Јас веднаш би го дал одговорот на прашањето дали ни е потребна рам меморија од 10 GB. Се разбира дека не. Меморијата која ја имаат смартфоните во последно време може во главно да се препише на маркетинг секторот, а посебно над 6 GB.
Кинескиот производител Oppo кој го претстави одличниот Find X, веќе доаѓа со повеќе од доволни 8 GB RAM меморија. Тие и покрај тоа, имаат сертифицирано нова варијанта од Find X која ќе има 10 GB RAM.
Сигурно знаете дека рам меморијата е таа која е задолжена за работата на повеќе апликации во исто време, кратко и едноставно кажано. Со оглед на тоа што на компјутерите поминуваме и со 4 до 6 GB RAM меморија, а може да се каже дека користиме и повеќе и посилни апликации, тогаш јасно е дека 10 GB на мобилен телефон се само за маркетинг цели.
Сепак, добро е да се знае дека технологијата напредува во тој правец, па како што се повеќе ги користиме нашите мобилни уреди како главни, тие со тек на време ќе стигнат и до нивото кога 10 GB RAM меморија, нема да биде толку многу и непотребно.