Google најави дека „Нешто големо доаѓа во Pixel универзумот“ на 7 мај за време на нивната Google I/O конференција. Ова се смета како датата кога од компанијата ќе претстават дополнителни и поевтини модели од Pixel серијата, наречени Pixel 3a и Pixel 3a XL.
Неофицијалните информации говорат дека Google планира да претстави таканаречени „лајт“ верзии од своите Pixel телефони, нешто што повторно стана тренд на пазарот. Со покачувањето на цените кај телефоните од Google, логично е да од компанијата сакаат повторно да им станат подостапни на корисниците кои сакаат да платат помалку, а овој дел од пазарот има и доста конкуренција.
Овие уреди, за кои најверојатно ќе дознаеме се што треба на 7 мај, треба да бидат од средната, односно средно високата класа. Тоа значи дека ќе дојдат со нешто послаб процесор, но сепак одличен екран и за Pixel уредите познатата камера.
Познатиот Еван Блас, како и секогаш, објави слика на која е прикажан Google Pixel 3a, па уште сега можеме да добиеме претстава што да очекуваме.
Google Pixel 3a pic.twitter.com/WFb1bfvlK9
— Evan Blass (@evleaks) April 24, 2019
Како што се гледа од сликата, Google ќе даде значење на перформансите на уреди, изгледа, а другите карактеристики кои ги имаат конкурентите, како заоблени страни, исечоци или дупка на горниот дел од екранот, нема да ги има.