На точно две недели до претставувањето на Galaxy Note 10 ги имаме едни од последните информации кои се веќе одамна пропратен дел од периодот пред официјалното прикажување на уредите.
Она што веќе со сигурност може да се истакне е дека Note серијата оваа година ќе има две варијанти, односно една стандардна и една поголема, Pro или Plus варијанта. Сите досегашни неофицијални информации укажуваа на ова, па шансите да се покаже како неточно се многу мали.
According to my sources:#GalaxyNote10 = 6.3-inch Infinity-O AMOLED, SD855+ or Exynos9825 (7nm), 8GB RAM + 256GB ROM, 12MP Wide + 16MP Ultra Wide + 12MP Zoom, 3600mAh with 45W charging + 15W PowerShare + 25W charger, UFS3.0, S-Pen with "Air Actions" gestures.
— Steve H.McFly (@OnLeaks) July 23, 2019
Според најновите информации од познатиот „OnLeaks“, Galaxy Note 10 ќе дојде со 6,3 инчен Infinity-O екран, со предната камера во средината на екранот, наместо десно како кај S10 моделите. Чипсетот на којшто ќе работи, а ова е нова информација, е поновиот и засилен Snapdragon 855 Plus, којшто доаѓа со подобрен графички процесор и делумно подобрување на стандардниот процесор.
За пазарите во остатокот од светот процесорот ќе биде поновиот, исто така, Exynos 9825 којшто соодветно треба да понуди подобри перформанси во споредба со Snapdragon верзијата. Батеријата на телефонот треба да има капацитет од 3.600 mAh.
Galaxy Note 10+ ќе дојде со 6,8 инчен екран, исто така Infinity-O, истиот процесор, но поголема батерија со капацитет од 4.300 mAh.
According to my sources:#GalaxyNote10Plus = 6.8-inch Infinity-O AMOLED, SD855+ or Exynos9825 (7nm), 8GB RAM + 256GB ROM, 12MP Wide + 16MP Ultra Wide + 12MP Zoom + DepthVison ToF, 4300mAh with 45W charging + 15W PowerShare + 25W charger, UFS3.0, S-Pen with "Air Actions" gestures.
— Steve H.McFly (@OnLeaks) July 23, 2019
Тоа што привлекува внимание кај овие информации е најавата дека Samsung ќе ја вгради наредната генерација на безжично полнење кај овие уреди, па тие ќе можат да се полнат со безжичен полнач прилично брзо со 20-25W. Полнењето преку кабел ќе биде исто така значително побрзо, со 45W.
Полнењето на други уреди преку PowerShare, исто така безжично, ќе биде засилено и се најавува дека ќе може да овозможи 15W полнење, што ќе овозможи значително побрзо полнење на вашите безжични слушалки или паметен часовник.
Unpacked настанот е за само 2 недели, па ќе ги дознаеме сите информации кои засега се само во рамките на шпекулации.