Втората генерација од популарните OnePlus паметни телефони веќе е составена од два модели. Тоа се 5,5 инчниот OnePlus 2 и 5 инчниот неодамна претставен OnePlus X.
Како што едно време стана популарно производителите да претставуваат по 2 варијанти од своите телефони, полека тој тренд изгледа оди кон повеќе варијанти. Денеска исто така можевме да прочитаме дека Samsung е можно да планира дури 4 варијанти од наредната генерација од Galaxy серијата, Galaxy S7.
Според неофицијални информации, OnePlus планира претставување на уште еден модел, односно варијанта од OnePlus 2 моделот. Тој би требало да го носи името OnePlus 2 mini и соодветно да доаѓа со помал екран, па и од OnePlus X моделот.
OnePlus 2 mini, доколку се покаже дека навистина ќе биде претставен, ќе доаѓа со 4,6 инчен екран со Full HD резолуција. Треба да ги вклучува истите компоненти од поголемиот модел, па соодветно би доаѓа со Snapdragon 810 чипсет, 4 GB RAM меморија, како и 64 GB простор за складирање на податоци.
Овој модел исто така треба да вклучува две камери со 12 и 5 мегапиксели, на задната, односно предната страна.
Информациите за овој телефон доаѓаат од холандскиот портал TechTastic кои што го имаат забележано во резултатите од бенчмарк апликацијата GFXBench.
Без разлика дали тоа ќе биде случајот со OnePlus, трендот кај производителите покажува дека тие ќе продолжат со претставување на повеќе варијанти од еден модел. Со тоа корисниците ќе добијат подобар избор во одредена категорија на смартфони.
Извор: TechRadar
