Nokia Mobile, преку нивниот Twitter профил, минатата недела најави претставување на нов телефон. Настанот е закажан за 21 август, односно утре, а како што истакнуваат од компанијата, тие ќе го претстават еден од најмногу очекуваните телефони.
Повеќе информации во најавата нема, па останува да претпоставуваме и да го гледаме утрешниот настан.
We are thrilled to bring you the Nokia smartphones event for one of the most awaited phones on Tuesday 21st August. Stay tuned for more! #Nokiamobile #BringItOn pic.twitter.com/LXgnzguDvm
— Nokia Mobile (@Nokiamobile) August 16, 2018
Она што ние се надеваме е дека Nokia ќе претстави телефон од највисоката класа, нешто што според нас најмногу се очекува од овој бренд сега во сопственост на HMD Global, компанија од Финска формирана од поранешни вработени во Nokia и Microsoft.
HMD Global досега во главно се концентрираше на ниската, средната и средно-високата класа, меѓутоа се’ уште го немаме видено вистинскиот модел од највисоката класа од овој познат бренд.
Верувањата се дека можно е претставување на Nokia 9, кој според неофицијалните информации треба да биде од високата класа, односно треба да дојде со делумно заоблен екран кој ќе овозможи помали рамки, со големина од 5,7 инчи. Чипсетот треба да биде моментално најдобриот од Qualcomm, односно Snapdragon 845, а се најавуваат и двојни камери на задната, но и на предната страна.
Претставувањето на телефонот ќе биде утре, па нема потреба од „губење време“ со неофицијалните информации. Се читаме утре.