Motorola оваа недела го претстави вториот Android One уред наречен Motorola One Vision, од нивната Motorola One серија. Главната карактеристика на оваа серија е чистото Android искуство кое е загарантирано дека ќе добива надградби во наредните три години од почетокот на продажбата на уредот.

Motorola One Vision е исто така уред од средната класа кој го менува стилот од неговиот претходник. Наместо исечок на горната страна од екранот, One Vision има дупка во која е поставена камерата, решение кое стана популаризирано од страна на Samsung.

Со ова, а и со многу малите, скоро непостоечки рамки околу целиот екран, се добива уред кој е „целиот екран“ на предната страна. Исто така, 6,3 инчниот LCD екран нема да придонесе кон големи димензии на целиот уред.

Резолуцијата на екранот е Full HD, односно 2520 на 1080 пиксели, а сето ова е сместено во прилично висок уред со 21:9 сооднос.

Во „дупката“ за камерата е сместена камера со 25 мегапиксели кои се прилагодуваат соодветно на осветлувањето при сликање. Сличен е случајот со главната камера која има 48 мегапиксели, но се користат во група од 4, со што се добиваат 12 мегапиксели кои даваат многу почисти слики, а посебно во темни услови.

На задната страна има уште една камера која е наменета за проценка на оддалеченоста на објектите со што се добиваат одредени ефекти на сликите, како и уште неколку додатни функции.

Камерите се исто така потпомогнати, за последно време стандардно, од вештачката интелигенција, со што се добива можност за автоматска проценка на сцената и објектите кои се сликаат, како и условите.

Интересно, Motorola One Vision не работи на процесор од Snapdragon, па како ретко кој од уредите на пазарот, работи на процесор од Samsung. Соодветно на класата на уредот, процесорот е исто така од средната класа, односно One Vision работи на Exynos 9609, што е осум јадрен процесор изработен во 10nm технологија.

Меморијата на телефонот изнесува 4 GB RAM, како и 128 GB простор за податоци, а може да се додаде и картичка.

Батеријата е со капацитет од 3.500 mAh, што кога ќе се земат во предвид карактеристиките од средната класа, може да се очекува истата да издржи барем еден ден.

ИЗВОРThe Verge
ИЗВОР 2XDA Developers
Претходна статијаРеакција на Huawei на најновите мерки на Доналд Трамп
Следна статијаКако да бидете „минималист“?
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.