Со оглед на фактот што само две платформи во главно го држат целиот пазар на мобилни телефони, интересно е следењето на дополнителните играчи кои се обидуваат да направат некаква промена. Сега за сега на ниту една од другите платформи тоа не им успева, но тоа не значи дека во иднина тие нема станат сериозен играч.
Ubuntu телефоните покрај тоа што се интересни за следење поради популарноста на платформата на десктоп, тие се и единствените телефони покрај тие со Windows 10 кои доаѓаат со можноста за поврзување со поголем екран, маус и тастатура и користење како десктоп компјутер.
Кинескиот производител на мобилни телефони Meizu најави дека ќе претстави уште еден телефон од нивната веќе може да се нарече Ubuntu серија. Повеќе информации за овој телефон не се дадени, односно најавено е само тоа дека тој ќе биде претставен на MWC 2016 настанот којшто се одржува овој месец во Барселона.
Очекувањата се дека и овој пат веќе постоен телефон ќе биде направен и во Ubuntu верзија, како што е случајот со претходниот Meizu MX4 со Ubuntu.
За оваа година се очекува дека со Ubuntu ќе биде прилагоден Meizu Pro 5 моделот којшто доаѓа со одлични спецификации, а со тоа и одличен потенција за Ubuntu Convergence.
Meizu Pro 5 доаѓа со Exynos 7420 процесор, 5,7 инчен екран со Full HD резолуција, 3 и 4GB RAM меморија, USB Type-C приклучок и слично. Ова се одлични карактеристики за поврзување на уредот на поголем екран и користење како десктоп компјутер.
Извор: OMGUbuntu