По серијата на веќе за Pixel стандардни неофицијални информации, слики и видеа, Google кончено го закажа настанот на којшто официјално ќе ги видиме овие уреди. Иако повеќето информации за нив се веќе достапни, сепак, официјалното претставување целосно ќе ги прикаже и објасни функциите, а секако секогаш се тука и по некои ненајавени работи.
Настанот Google ќе го одржи на 15 октомври во Њујорк, а на него се очекува да бидат претставени и додатни уреди како втората генерација од Pixelbook, а се најавува и можно претставување на нов паметен звучни којшто ќе работи со Google Assistant.
Pixel 4 ќе дојде во две варијанти, како и ланските модели, односно ќе ги видиме Pixel 4 и Pixel 4 XL. Најмногу за овие уреди можевме да видиме од објавените видеа, а истите може да ги видите на овој линк.
Една од главните карактеристики кај Pixel 4 ќе биде новиот Soli чип којшто треба да овозможи отклучување на уредот преку препознавање на лицето, а се најавува дека треба да е понапреден од познатиот Face ID на Apple. Овој чип исто така ќе овозможи контролирање на телефонот со гестикулации, а неговото поставување на предната страна е причината зошто новите уреди оваа година ќе имаат целосна рамка на предната страна, наместо исечок или само дупка за камерата.
Друга работа која ќе го направи Pixel 4 вреден за купување, е најавата за екран со прилагодливо освежување на сликата до 90Hz. Ова е нешто што започнаа да го воведуваат производителите кои претставуваа гајминг телефони, меѓутоа истото го прави целото корисничко искуство подобро.