Иницијативата Android One на гигантот Google преку првата серија на нискобуџетни, но истовремено квалитетни паметни телефони пристигна во Индија. Претседателот на Android Sundar Pichai иницијативата ја потенцираше како обид да се донесат овие уреди до останатите 5 милијарди луѓе.
Првите уреди на Android One се Karbon Sparkle V, Micromax Canvas A1 и Spice Dream Uno и се достапни за онлајн нарачка од денес, додека од продавници ќе можат да се купат на почеток на Октомври.
Според Sundar Pichai има три големи причини зашто луѓе во земји како што се Индија, Индонезија, Филипините, тука можеме да ја вброиме и Македонија, не можат да си дозволат за висококвалитетен паметен телефон.
Првенствено тоа е поради што хардверот, дури и т.н. нискобуџетни телефони се недостапни за многумина, со оглед на фактот што просечно луѓето заработуваат околу 250 долари месечно.
Како втора причина е тоа што луѓето во овие пазари немаат пристап до последните надоградувања на Android како и низа на популарните апликации. Како трето и последно е фактот што и покрај тоа што има покриеност на мрежа со 3G и 4G, многу малку луѓе имаат телефони што поддржуваат интернет, а пакетите знаат да бидат скапи.
Android One има за цел пред се’ да ги совлада овие три предизвици. Сите три паметни телефони имаат слични хардверски спецификации, како и опции кои се доста важни за Индијците. Опција за двојна SIM-картичка, радио и место за картичка microSD.
Секако, апликациите на Google како што се Gmail, Google Maps, YouTube, Google Search и Google Translate ќе бидат претходно инсталирани на уредите.
Micromax Canvas A1, Karbon Sparkle V и Spice Dream Uno покрај цената од 105 долари делат заеднички спецификации како што е 4.5 инчниот екран со технологија IPS FWVGA, 1.3 GHz четиријадрен процесор MediaTek, 1 гигабајт РАМ, 4 гигабајти внатрешна меморија, место за картичка MicroSD како и задна 5 мегапикселна камера со блиц, предна 2 мегапикселна камера, 3G и батерија со моќност од 1700mAh.
Pichai на блогот на Android исто така ги претстави и новите партнери на иницијативата во која се вклучени производители на телефони како Acer, Alcatel Onetouch, ASUS, HTC, Intex, Lava, Lenovo, Panasonic, Xolo, како и производителот на чипови Qualcomm.
Покрај Индија, Google до крајот на годинава планира да ја прошири иницијативата во Индонезија, Филипините како и Јужна Азија поточно Бангладеш, Пакистан, Непал и Шри Ланка.
https://www.youtube.com/watch?v=X7UPR9z3OV8
