После еден месец на тестирање, односно достапност на апликациите во Preview верзија, од оваа недела сите корисници на Android телефон ќе можат да ги инсталираат трите познати Office апликации.
Достапноста на телефоните доаѓа неколку месеци по Android таблет компјутерите, па може да се каже дека заедно со достапноста на iPhone и iPad, Microsoft Office сега е достапен на сите масовно користени платформи. Интересно, но корисниците на Windows ќе мора да причекаат на 10-ката која што ќе стане достапна од крајот на Јули, односно до крајот на годината за мобилните телефони.
Корисниците на Android 4.4 и понов, односно корисниците на мобилен телефон со 1GB RAM меморија, можат да ги симнат Word, Excel и PowerPoint од Google Play Store. Истите се бесплатни, но потребна е Office 365 претплата за отклучување на понапредните функции за промена на документите.
Инаку, апликациите се во главно исти како верзиите за таблет компјутерите, со неколку прилагодувања за помалите екрани, како што е вклучување на менито од долната страна, наместо од горната.
Од Microsoft истакнуваат дека со овие апликации корисниците ќе можат да:
- Прават промени и оценки во движење
- Презентации од мобилниот телефон
- Брз пристап до документите од облакот
Симнете ја Microsoft Word од Play Store
Симнете ја Microsoft Excel од Play Store
Симнете ја Microsoft PowerPoint од Play Store
Извор: Office Blogs
