Додека оваа вест не излезе во американските портали, немам помислено на тоа каде Apple ги чува податоците од нивниот iCloud. По автоматизам претпоставував дека тие, со оглед на големината и профитот на компанијата, ги чуваат истите на нивни посебно и специјално развиени сервери.
Сепак, испадна дека од компанијата за работата на нивниот iCloud се имаат решено да не развиваат сопствено решение и за истото да користат решени од „трета страна“, односно од друга компанија.
Во светот најпознати компании кога се работи за сервери, односно cloud решенија се Amazon, Google и Microsoft со нивните AWS и S3, Google Cloud и Microoft Azure решенија.
Информацијата за ова може да се најде во посебен документ којшто од компанијата го објавија за јавноста, наменет за безбедноста во iOS 11.
Она што е интересно е што Apple до најновата верзија на iCloud ги има користено Amazon и Microsoft Azure за работата на iCloud. Во најновиот документ, за најновата верзија на сервисот, се гледа дека тие се имаат решено да ги сменат Microsoft и наместо нив да почнат да ги користат Google Cloud. Amazon останува со нивниот S3 сервис.
Како и да е, интересна информација за тие што ги интересираат ваквите работи. Apple без разлика на големината на компанијата, како и заработката, сепак голем дел од своите сервиси ги „аутсорсираат“.
Јас лично, иако воопшто не е чудно компанија голема како Apple да користи сервиси од други компании, мислев дека за сервис како iCloud сепак ќе имаат развиено сопствено решение.
