amazon-cloud-unl

Amazon оваа недела претстави нови пакети за својот Cloud Drive сервис за складирање на податоци во облакот. Може да се каже дека ова е типичен пример за тоа како изгледа пазарот кога работи во услови на голема конкуренција. Компаниите константно се натпреваруваат за привлекување на корисниците кај нивниот сервис, па најчесто корисниците се и главните добитници.

Овој потег од страна на Amazon, еден од најголемите cloud провајдери во светот, е директен одговор на другите големи играчи, односно на Dropbox, Google, Microsoft и слични.

Amazon Cloud Drive на корисниците им нуди избор од два пакети. Главната новина и кај двата пакети е неограничениот простор за складирање на податоците. Првиот пакет е наменет за чување на слики во облакот. Корисниците можат да ги качат сите нивни досегашни слики, а исто така неограничениот простор важи и за RAW фајловите од професионалните фото апарати.

Овој пакет вклучува и дополнителни 5GB простор за складирање на други видови на податоци, освен слики.

Цената на овој пакет кој што е наречен Unlimited Photos е 11,99 долари годишно, што изнесува помалку од 1 долар месечно.

Вториот пакет е наречен Unlimited Everything и како што кажува и неговото име е наменет за складирање на сите видови на фајлови. Тоа значи дека корисниците ќе можат да складираат документи, слики, филмови, музика и повеќе.

Цената на овој пакет е 59,99 долари годишно, што е помалку од 5 долари месечно.

За споредба, конкурентите простор од 1TB, што може да се смета за неограничен за 99% од корисниците, го нудат за следните цени:

  • Microsoft OneDrive 1TB – 6,99 долари месечно
  • Dropbox 1TB – 9,99 долари месечно
  • Google Drive 1TB – 9,99 долари месечно

Овие компании исто така нудат можност за неограничен простор, меѓутоа тој е наменет за компаниите и е со повисока цена. Се разбира неограничениот простор е маркетингшки потег. Ретки се корисниците кои што навистина би им требало простор повеќе од 30 TB на пример колку што нуди Google за 299 долари месечно.

Извор: Amazon, Amazon пакети

Претходна статијаNASA ќе тестира авионско крило со 18 пропелери
Следна статијаGoogle претстави екстензија за заштеда на интернет сообраќај за Chrome
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.