Њујорк, САД – 7. март, 2018 – Самсунг Електроникс (Samsung Electronics Co., Ltd.), водечки светски произведувач на ТВ уреди веќе 13 години по ред, ја лансираше својата водечка линија QLED TV уреди и Аудио-Видео (AV) продукти за 2018 година на настанот “First Look New York” во зградата на Американската Берза во Менхетен. Компанијата ја представи својата најнова генерација QLED телевизори пред околу 1.000 учесници и демонстрираше нови, подобрени карактеристики, кои допринесуваат за уште подобро искуство при гледањето телевизија.
Во рамки на главната презентација, Јонгхи Хан (Jonghee Han), Претседателот на Бизнисот со Визуелни Екрани во Самсунг Електроникс, заедно со други раководители од Компанијата Самсунг објаснија како водечката линија телевизори за 2018 година овозможува неспоредливо доживување при забавувањето во домот, со цел отстранување на препреките при монтирање, како и кај самиот изглед на ТВ уредот, и поедноставување на пристапот кон содржините, овозможувајќи им на корисниците повеќе време посветено на сето она во кое уживаат и сакаат да го прават.
“Со нашата линија ТВ уреди за 2018 година ја променивме дефиницијата за визуелните екрани правејќи ги Интелигентни екрани. Дизајнирана за целосно уживање и со цел да го подобри секојдневниот живот на корисниците, без разлика на тоа каде се наоѓаат во домот, сево ова преку едноставниот начин на користење. Новата QLED линија телевизори им овозможува на корисниците најдобро искуство при гледањето на содржини.“ – изјави Јонгхи Хан (Jonghee Han), Претседател на Бизнисот со Визуелни Екрани, Самсунг Електроникс.
Претседателот Хан на сцената беше придружуван од извршните партнери од “ЊуЈорк Тајмс“ (The New York Times), кои разговараа за корисните предности на новата линија QLED ТВ уреди. Најавувајќи го новото партнерство помеќу ЊуЈорк Тајмс и Самсунг, Марк Томпсон (Mark Thompson), Претседател и Главен Извршен Директор во ЊуЈорк Тајмс, изјави: “Со помош на возбудливиот QLED ТВ Амбиентален режим гледачите може визуелно да го доживеат незаменливото новинарство на ЊуЈорк Тајмс кое е исклучително и во целост ја прикажува темата за која се известува.“
Во рамки на настанот “First Look New York“ беше организирана изложба за гости со цел приказ на новата продуктна линија на Самсунг за 2018 година и нејзините карактеристики преку низа зони и екрани. Изложбата вклучуваше:
- Зона со голем екран, која го прикажуваше неверојатниот квалитет на слика на новата линија на Самсунг, со збогатени бои и контрасти за различни ситуации, како играње игри и гледање филмови или спортски содржини. Самсунг исто така го претстави својот препознатлив 146 инчен екран “The Wall“ – модуларен екран базиран на микро LED технологија кој е комерцијализиран за домашна употреба.
- Зона за филмови – Составена од повеќе димензионалниот “N950” саундбар на Самсунг со Долби Атмос (Dolby Atmos®), кој ќе биде достапен за потрошувачите подоцна оваа година. Овој саундбар демонстрира како енергичниот, моќен “surround” звук може да го подобри искуството со домашната забава.
- Зоната со Амбиентален Режим (Ambient Mode) покажа како QLED ТВ уредите го редефинираат исклучениот телевизор, со нова технологија која го трансформира телевизорот во убав, функционален екран кој овозможува преглед на голем број информации вклучувајќи новости, временска прогноза и информации за состојбата во сообраќајот, а исто така на него може да се пушти и музика или пак целосно да се вклопи со ѕидот зад него.
- Нов, 5 метарски (вклучен при купување на QLED ТВ уред) и 15 метарски (достапен како опција) “One Invisible Connection” – издржлив кабел, прв од ваков тип во индустријата, кој е составен од кабел за напојување и кабли за пренос на податоци, споени заедно во едно. Овој вид на поврзување со помош на еден кабел им овозможува на корисниците да го постават својот ТВ уред онаму каде посакуваат, на оној начин како што сакаат, притоа избегнувајќи го нередот кој се создава со заплеткани кабли и жици.
- Подесувањето на Паметните ТВ уреди на Самсунг за 2018 година е едноставно и може да се направи преку најкористениот уред од страна на корисниците – нивниот мобилен телефон, преку апликацијата “SmartThings“. Преку демонстрација беше прикажано како корисниците може да ги користат своите гласови за контрола на нивната забава при гледање содржини на ТВ уредите на Самсунг со помош на Бигзби (Bixby).
Линијата ТВ уреди на Самсунг за 2018 година ќе биде достапна овој месец во Соединетите Американски Држави (САД). За повеќе информации, посетете ја страната: www.samsung.com.
