Кинескиот веб пребарувач Baidu сигурен сум дека не го користи скоро ниту еден македонец, но тој е повеќе поопуларен и од Google во Кина, земја која има 30% од популацијата во светот. Токму поради тоа, кога Baidu ќе лансира нови уреди, треба да се забележат, бидејќи се работи за геџети со висока технологија, која во многу детали е подобра од конкуренцијата.
Со новите паметни уреди за домот, Baidu се обидува да конкурира на паметните звучници на Google, Amazon, Apple и Microsoft, односно оние со Google Assistant, Amazon Alexa, Apple Siri и Microsoft Cortana. Дигиталниот асистент на Baidu се вика Duer OS и тој може да изврши најразлични наредби, како пребарување на интернет мрежата, правење трансакции и купување производи, контролирање други паметни уреди во домот, пуштање музика, потсетување итн.
Носител на серијата на овие производи е паметниот звучник Raven H, кој има дизајн кој е вистинско освежување од цилиндричните форми на конкуренцијата и е резултат на соработката меѓу Raven Tech и Teenage Engineering. Според мене ваков геџет ќе се пронајде во секој дом, иако е прилично обоен, со единствена пречка наречена „висока цена“ – Raven H чини дури 256 долари.
На паметниот звучник се придружуваат Raven R домашниот робот, кој може да покажува емоции и има една рака која може да се движи, како и Raven Q робот кој може да ја гледа околината во 3D. Засега роботите се во прототип фаза, односно нивна продажба уште не е најавена, односно и дали воопшто ќе влезат во фаза на продажба. Како и да е, интересно е тоа што Baidu воопшто размислува на вакви уреди, во време кога конкуренцијата нема ни таква најава.
Извор: Venture Beat, Engadget, TechCrunch
