Microsoft, за верзијата од Windows 10 која ќе стане достапна од идната година, најави нова функција која можеби најмногу ќе им се најде на бизнис корисниците, а посебно тие кои работат со повеќе видови на непознат софтвер.
Конкретно се работи за функција наречена Windows Sandbox. Оваа функција ја заменува во основа потребата и практиката на администраторите да креираат посебна виртуелна средина на компјутерот на која ќе инсталираат посебна верзија од Windows.
Со Windows Sandbox сето ова го прави Windows, земајќи многу помалку простор и ресурси за истата цел.
За да може да работи Windows Sandbox треба да бидат вклучени сервисите за виртуелизација во BIOS, како и сервисот од Microsoft.
Windows Sandbox креира целосно виртуелна околина која нема поврзаност со основната инсталација на Window. За таа цел се користи и посебен kernel, па може да се каже дека е невозможно да што и да се случи во виртуелната околина, влијае на основната инсталација.
По завршувањетосо работа во Sandbox, инсталацијата,како и сите фајлови од неа се бришат.
Windows Sandbox ќе им биде достапен на корисниците на Windows 10 Pro и Enterprise верзиите, што е очекувано со оглед на намената и користењето на функцијата.
Доколку ова е нешто кое ве интересира, односно ви користи во вашата работа, Microsoft ги има сите технички детали и објаснувања во оваа блог објава.