Кога сакате да пребарате нешто во Ubuntu од воведувањето на Unity се што треба да направите е да притиснете на првата икона наречена Unity Dash. Dash покрај вашите локални фајлови, врши пребарување и на интернет, но листата на извори на резултати не е нешто голема. Изворите на резултати се контролирани преку Scopes, функција за пребарување преку која се влечат резултатите од различни извори.
Во Ubuntu 13.10 ќе биде стандардно вклучена функција наречена Smart Scopes. Оваа функција го проширува пребарувањето преку Dash воведувајќи поголем број на извори за пребарување. Функцијата беше планирано да биде воведена уште во Ubuntu 13.04, меѓутоа беше откажана поради потребата за доразвивање. Додадени се повеќе од 50 нови извори на пребарување, односно “Scopes”. Smart Scopes функционира на тој начин што кога пребарувате нешто, Dash пробува да претпостави кои категории да ги избере при прикажувањето на резултатите. Секоја категорија има повеќе извори, односно Scopes. Категориите и изворите може рачно да бидат избирани и модификувани. Се разбира оваа функција може целосно да ја исклучите во Privacy прилагодувањата доколку Dash не сакате да го користите за ништо повеќе од локално пребарување на вашите фајлови.
Листата на достапните Scopes до сега е следната: Amazon, Audacious, Banshee, Calculator, Chromium bookmarks, Clementine, Colour Lovers, Commands, DevHelp, DeviantArt, Dictionary, DuckDuckGo Related, Facebook, Firefox bookmarks, Flickr, Gallica, GitHub, gMusicBrowser, Google Drive, Google News, Gourmet, Guayadeque, Manpages, Ubuntu One Music Store, Ubuntu One Music Search, Musique, OpenClipArt, OpenWeatherMap, Picasa, Remote Videos, Rhythmbox, Shotwell, Skimlinks, SoundCloud, TexDoc, Tomboy, VirtualBox, Yahoo Finance, Yelp, Zotero, Wikipedia.
Погледнете го демото од сајтот WebUpd8 кое прикажува како функционира Unity Smart Scopres.
