Кога ќе добиете некоја порака или било каква друга информација која што доаѓа во форма на нотификација, односно известување, истото го гледате преку лента која што се појавува од горната страна на екранот. Со притискање на истата се отвора апликацијата од која што потекнува нотификацијата и со тоа имате можност да ја прочитате или да одговорите доколку се работи за таква апликација.
Сепак кога ќе завршите со апликацијата од каде што е дојдена нотификацијата, нема начин како веднаш да се вратите на претходната апликација, доколку имате работено на нешто друго во времето кога сте ја добиле нотификацијата. Концептот што ќе го погледнете во продолжение претставува начин, сличен на тој во OS X 10.9, на прегледување на нотификацијата без притоа да излезете од другата апликација што сте ја користеле, па по завршување на проверката на нотификацијата или одговарање на порака, на пример, системот автоматски ве враќа на претходната апликација, па можете да продолжите таму каде што сте застанале.
Концептот е направен од страна на Sam Beckett и не претставува официјален концепт од страна на Apple, па поради тоа и не значи дека ќе биде претставен во iOS.
