Apple ја претстави дванаесеттата верзија од iOS на почетокот од летото, како што тоа го прави секоја година. Официјалната верзија ја очекувавме за оваа есен, со претставувањето на новите iPhone-и, па од оваа недела корисниците и на постарите модели, можат да ја инсталираат најновата верзија од овој оперативен систем.
Како и секогаш, инсталацијата на новата верзија од оперативниот, односно ажурирањето се прави преку Settings, па General и Software Update. Новата верзија можете да ја инсталирате доколку вашиот уред е iPhone 5S или понов, iPad Pro, iPad петта генерација или понов, iPad Air, iPad mini 2 и понов, како и шестата генерација од iPod Touch.
Најновата верзија од iOS, како и секогаш според нас, вреди да се инсталира. Новите верзии покрај нови функции, донесуваат голем број на подобрувања на перформансите, безбедноста, исправка на багови и слично.
Што се однесува до новите функции во iOS 12, се истакнуваат статистика за користењето на уредот, групни известувања, групни видео разговори во FaceTime и повеќе.