Windows 10, доколку го купите со нов компјутер, ќе дојде и со не толку мал број на инсталирани апликации од страна на производителот. Меѓутоа, производителите не се единствените кои вклучуваат пред инсталирани апликации, па истото го прави и Microsoft.

Дел од тие пред инсталирани апликации можеби е и логично што ги има. Сепак тие овозможуваат завршување на одредени работи, па би било чудно да ги нема. Меѓутоа, голем дел од нив се апликации кои не се неопходни, корисниците често воопшто не ги користат, па непотребно ги има.

Корисниците веќе можат да избришат дел од таквите апликации, па во идните верзии од Windows 10, Microsoft планира да ја зголеми таа бројка, па можеби некогаш во иднина и воопшто нема да ги вклучи со оперативниот систем, а корисниците сами ќе може да ги инсталираат доколку сакаат.

Како и да е, листата на апликации кои корисниците ќе можат да ги избришат е следната:

  • Microsoft Solitaire Collection
  • My Office
  • OneNote
  • Print 3D
  • Skype
  • Tips
  • Weather
  • 3D Viewer (previously called Mixed Reality Viewer)
  • Calculator
  • Calendar
  • Groove Music
  • Mail
  • Movies & TV
  • Paint 3D
  • Snip & Sketch
  • Sticky Notes
  • Voice Recorder

Иако овие апликации не заземаат нешто посебно голем простор на дискот, сепак нема потреба да ги има и да прават „гужва“ доколку корисниците не ги користат. Во основа се работи за организирање на апликациите и нивната лесна достапност.

Претходна статијаSamsung Galaxy S10 Plus ќе дојде со голем 6,66 инчен екран?
Следна статијаЗошто треба да ја гледаш Final Space
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.