На 7-ми овој месец Kickstarter ја достигна бројката од 100.000 успешно финансирани проекти на нивната платформа. Тоа значи дека 100.000 проекти биле претставени барајќи поддршка и минимално бараната сума била достигната во одредениот рок.
Kickstarter започнува со работа на 28-ми април 2009 година, па бројката од 100.000 е достигната за точно 6 години, 9 месеци и 10 дена. Проектот којшто ја донесува бројката на 100.000 е Falklands/Malvinas: One War, all Wars.
Kickstarter во чест на оваа достигната бројка на својот блог истакна 100 интересни факти за платформата. Еве дел од овие факти:
- Број на категории и поткатегории во коишто се организирани проектите изнесува 165
- На почеток биле потребни 121 ден да се стигне до бројката од 100 успешно финансирани проекти, бројка која е достигната за само 3 дена за последните 100
- Бројот на креаторите коишто ги имаат претставено стоте илјади проекти изнесува 86.101
- 539 од креаторите имаат повеќе од 1 успешно финансиран проект
- Најголема бројка на успешно финансирани проекти од еден креатор е 94
- Бројот на поддржувачи на стоте илјади проекти е 9.088.422
- Категорија која има најголем број на успешни проекти е за музичките проекти, а нив ги имало 22.133
- 4 креатори на проекти добиле Grammy награда за нивниот проект
Целосната листа на факти можете да ја погледнете на следниот линк.