Фото: Apple

NameDrop е нова функција која беше претставена со iOS 17, како надополнување на AirDrop. Корисниците можат едноставно да ги доближат и допрат своите два телефони и да започнат процес на споделување на своите контакт информации.

Оваа новина вклучува и можност за споделување на датотеки, како слики, со едноставното допирање на телефоните.

Властите во неколку федерални држави во САД почнаа да ги предупредуваат корисниците и да ја означуваат NameDrop функцијата како безбедносен ризик, но во основа се работи за непознавање на нејзиното функционирање.

Предупредувањето е поради верувањето дека некој се што треба да направи е да го доближи својот телефон до некој друг и со тоа автоматски да ги преземе контакт информациите од тој корисник, без тој да знае.

Сепак, NameDrop не функционира баш така. Иако процесот започнува и кога двата уреди се заклучени, сепак за да продолжи потребно е двете страни да ги отклучат уредите и да го потврдат споделувањето на информациите или датотеките.

Со најновата верзија од watchOS, корисниците можат да ја користат NameDrop функцијата и преку нивниот Apple Watch.

Како што пишуваат американските портали, ова не е првпат властите да ги предупредуваат корисниците за нешто кое не го разбираат и го немаат проверено како што треба.

ИЗВОРTechSpot
Претходна статијаИКТ Комора при ССК: Важноста на ВЕРИФИКУВАН МАКЕДОНСКИ ИКТ ПРОИЗВОД
Следна статијаApple ги прогласи победниците на најдобри апликации за 2023
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.