Иако Google и досега ја откриваше локацијата од која што пристапува корисникот, сепак истата можеше да биде променета со едноставно внесување на друг домејн, односно google.com, google.mk и слични.
Пребарувањата веќе нема да се извршуваат на овој начин, односно без разлика кој домејн ќе го отвори корисникот, тој ќе добие резултати коишто се релевантни за локацијата на која се наоѓа.
Доколку некој сепак сака да добие резултати од друга земја, тоа ќе може да го направи со промена на локацијата во сетинзите на Google, што сепак е нешто подолг, ако не посложен процес.
Овие промени може имате забележано дека веќе се имплементирани, а важат за мобилната и десктоп верзија од Google Search, мобилната апликација, како и за пребарувањата направени во Google Maps.
