Развојот на таканаречените егзоскелети не е нешто ново, а тие во повеќе форми веќе се користат, а посебно во медицината за помош на луѓето кои имаат потешкотии во движењето, како и за луѓето кои работат со голем товар.

Сепак, од тоа што сигурно дел од вас веќе го имаат видено, овие „машини“ се прилично големи и тешко може да се замисли нивно масовно користење во повеќе ситуации, а посебно надвор од околина каде има пристап до електрична енергија.

Тука доаѓа до израз новиот систем направен во соработка од повеќе научници од Harvard’s Wyss Institute for Biologically Inspired Engineering, John A. Paulson School of Engineering and Applied Sciences (SEAS) и University of Nebraska Omaha.

Нивниот систем којшто во основа е направен од кратки панталони, кабли и електро мотор со батерија кои се носат на грбот и половината, изгледа многу помал од било кој до сега и тежи само 5 килограми.

Тоа што посебно го разликува овој систем е што помага при пешачење и трчање, а алгоритмите успешно ја препознаваат промената. Според научниците, ова е напредокот којшто го имаат направено, нешто што не е постигнато кај другите вакви и слични системи.

Разликата која ја овозможува носењето на овој систем секако не треба да се помеша со таа во научно фантастичните филмови. Корисниците нема да можат да почнат да носат товар 10 пати поголем или да скокаат преку згради.

Системот овозможува намалување на енергијата која се троши при одредени активности, намалување кое е околу 9% за пешачење и околу 4% при трчање. Ова можеби не делува како многу, но може да направи разлика за голем број на активности.

Соодветно на ова, системот е замислен да се користи од страна на војската, спасувачки тимови, а секако и од страна на рекреативните планинари.

ИЗВОРHarvard
ИЗВОР 2The Verge
Претходна статијаMicrosoft препорачува користење на 2-факторска автентикација за заштита на онлајн сметките
Следна статијаДали 5G и генерално мобилните мрежи се штетни по човековото здравје, истражува Cnet
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.