Големината на чиповите е нешто што не е баш до крај сигурно до каде може да оди, иако за технологијата сигурно може да се каже дека и нема граници.

Моментално чиповите се намалени до 7nm, а ова овозможува доста подобрување во перформансите со намалување на потрошувачката на енергија.

Иако Samsung се познати и по својот сектор каде се работи на развој на чипови, сепак можеби повеќе ваква вест се очекуваше од некој од конкурентите како Intel или TSMC. Со ова Samsung докажува дека и во овој сектор сака да биде еден од најдобрите, а од компанијата тврдат и дека со новата технологија се најмалку една година пред конкуренцијата.

Од компанијата најавија дека работат на развој на 3nm чипови кои ќе почнат да се тестираат од идната година, а се очекува нивно масовно производство од 2021. Големината на овие чипови е постигната со нов начин на производство од тој што стандардно се користи кај моменталните чипови, а се очекува и дополнително намалување во годините што следат.

Она што е интересно со оваа најава е процентот на намалување на потрошувачка на енергија која ќе ја имаат овие чипови. Се работи за најава за намалување од 50%, што кога ќе се земе во предвид бавниот развој на технологијата за батерии, ова секако ќе биде добредојдено и ќе придонесе за вадење на некој дополнителен час од батеријата кај телефоните.

Покрај големото намалување на потрошувачката на енергија, овие чипови ќе дојдат и со зголемување на перформансите од 30%, што исто така е голем процент, а го намалува и просторот којшто е потребен за 45%.  

Кога ќе се земе во предвид дека овие чипови се најавуваат за 2 години од сега, можеби и процентите не се толку чудни и тешки за верување. Напредокот на технологијата е доволно брз да за 2 години разликата е отприлика во тие граници.

ИЗВОРCnet
ИЗВОР 2PC Mag
Претходна статијаUber им овозможи на градовите алатка за мерење на брзината на движење на возилата на улиците
Следна статијаРеакција на Huawei на најновите мерки на Доналд Трамп
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.