Британската компанија Zelim, како дел од неколку технологии кои ги развива за поморски спасувања, развива и посебни беспилотни возила кои би се користеле во ситуации кога е опасно да се испрати екипа. Ова би придонело спасувачката мисија да започне веднаш, нешто што е многу важно за шансите да се најдат преживеани луѓето.
Две возила се развиваат за оваа намена, едното наречено Guardian кое е замислено да се пушта од бродови, а другoтo Survivor кое би можело да биде достапно на бреговите 24/7/365 и веднаш да реагира по потреба.
Возилата се беспилотни и се контролирани од друга локација, а главната предност им е што не се ризикуваат луѓе при обидите за спасување во опасни ситуации, како што се тешки временски услови, на пример.
Guardian може да собере до 9 лица, што го прави доста погодно и за поголеми спасувачки мисии. Двете возила доаѓаат со технологијата која ја развива Zelim и која со помош на вештачката интелигенција ги пронаоѓа лицата кои треба да бидат спасени. Оваа технологија посебно доаѓа до израз кога условите не овозможуваат добра видливост, како полоши временски услови и високи бранови.
Уште едно решение кое го развиваат од компанијата и е патентирано, наречено Swift, овозможува лесно качување на луѓето во возилата преку лента која се движи, што значи дека луѓето се што треба е да дојдат доволно блиску и да се постават на лентата.
Од Zelim најавуваат дека возилата се планира да бидат претставени оваа година и да започнат со реални тестирања за да може да бидат пуштени во употреба.