Не околу два месеци пред претставувањето на наредната генерација од Galaxy S серијата, односно Galaxy S25 серијата, веќе е време да почнат стандардните таканаречени „протечени“ слики, видеа и информации.
Од тоа што беше објавено овие недела дена, може да се види како ќе изгледа Galaxy S25 Ultra, а со тоа и дел од One UI 7, односно корисничкиот интерфејс направен на основа на Android 15.
Верувам дека овие слики и видео се вистинити, односно се гледа добро One UI 7, како и најавуваниот дизајн на Galaxy S25 Ultra.
Како што може да се види на сликите и видеото достапни тука, Galaxy S25 Ultra ќе добие мал редизајн, односно веќе нема малку заоблен екран и квадратна форма. Телефонот сега ќе има рамна рамка, рамен екран, а ќе биде малку заоблен на аглите.
Ова треба да го направи да изгледа подобро, барем за тие како мене, а и да биде поудобен при користење.
Дополнително, на сликите може да се види и One UI 7 верзијата, која веќе ја видовме претходно, а која оди до некаде во правец на iOS 18, како во делот на брзите контроли кои сега се во посебен дел.
