Samsung ќе ги претстави новите Galaxy S10 модели за еден месец, односно на 20ти февруари во Сан Франциско на нивниот традиционален Unpacked настан. Досега можевме да прочитаме многу неофицијални информации, па како и секогаш верувам дека повеќето од нив се точни, па имаме добра претстава што да очекуваме идниот месец.
Тоа што досега не можевме целосно да го видиме, е изгледот на трите најавени модели. Познатиот Еван Блас, односно @evleaks, објави слики од три Galaxy S10 модели и со тоа ја продолжува серијата на информации кои одат во тој правец.
Samsung Galaxy S10E, S10, and S10+ (L to R), encased pic.twitter.com/Pk2gpXkXxn
— Evan Blass (@evleaks) January 19, 2019
Според него, Samsung ќе ги претстави Galaxy S10E, Galaxy S10 и Galaxy S10+. Единствената разлика тука е дека најевтиниот модел ќе ја има ознаката S10E, наместо S10 lite.
Инаку од сликата може да се види Infinity-O екранот кај сите модели, како и бројот на камери кај сите посебно. Па така, S10E ќе има два камери назад и една напред, S10 ќе има три камери назад и една напред, додека S10+ ќе има три камери назад и две напред, односно вкупно пет.
Како и секогаш, не може да се знае точноста на ваквите информации, па само земаме во предвид дека Еван Блас многу ретко има згрешено досега.