foldable-smartphone-samsung-patent copy

Свитливи дисплеи, телефони кои ќе може да ги свиткаме во ролна, таблети кои ќе може да се преклопат на пола… Наредниве години дефинитивно ќе биде револуционерни за паметните уреди околу нас и скоро сигурно ќе го променат начинот на кој ги користиме. Samsung има патент токму за еден таков револуционерен производ – таблет кој се превиткува на половина и кој има Edge дисплеј на страните.

Придобивките од ваквиот дизајн се многу јасни – овој уред лесно би можеле да го сместите во џебот, слично како паметен телефон, но да имате многу поголем дисплеј кога ќе го извадите. Две во едно уред кој дефинитивно би можел да ги замени и паметните телефони и таблетите.

foldable-tablet-samsung-patent copy

Дисплејот скоро сигурно ќе биде OLED – ова е технологијата која моментално овозможува лесно виткање на дисплејот без големи оштетувања. Благодарение на OLED технологијата, овој патент има и Edge рабови на дисплејот, како истоимените паметни телефони на Samsung. Тука, Edge рабовите би можеле да се користат за брзо прикажување на информации, дури и кога таблетот ќе биде затворен, но и за лансирање на апликации.

Интересно, Samsung најавува и нова “Floating Screen” функција, која ги користи двете страни на дисплејот при делумна отвореност, за да прикаже кратки нотификации кои ќе изгледа како да лебдат во воздухот. Како ќе биде изведено ова и дали навистина ќе функционира не можеме да знаеме, но дефинитивно звучи многу кул вака на хартија.

Foldable-Tablet-650-80

Извор: TechRadar, SamMobile, Android Headlines

Претходна статијаFujifilm Instax Share SP-2 е инстант фото-принтер за вашиот паметен телефон
Следна статијаПрестанува производството на Blackberry Classic