Има уште доста време до претставувањето на наредната Galaxy S генерација, но како и секогаш месеците до претставувањето се полни со информации. Оваа информација доаѓа директно од Samsung, односно од потпретседателот на Samsung Mobile Experience Даниел Араујо.
Тој за време на презентацијата на финансиските резултати на компанија, од каде дознавме и за новиот Exynos 2500, најавува доста големи надградби кај камерите и екранот на Galaxy S25 серијата.
За жал, нема повеќе информации за што е тоа што може да се очекува, па остануваме само на неофицијалните информации кои сигурно можеме да ги очекуваме во месеците што следат.
„Така, на вашето второ прашање, ние постојано го надградувавме хардверот во нашата серија S за да им нудиме на клиентите водечки искуства во индустријата и ќе продолжиме да ги подобруваме клучните искуства, како и да го надградуваме хардверот за да можеме да понудиме врвни перформанси. Особено за спецификациите на камерата и дисплејот, каде што бевме водечки, S25 при лансирањето ќе има врвни надградби.“
Дополнително, се најавува и нова функција која работи на основа на вештачката интелигенција, а тоа е можноста да се разбере точната содржина на разговорите, односно нивната суштина. Со тоа треба да се подобри природниот стил на разговор, а од компанијата најавуваат подобрена соработка при развојот на ВИ.
