Samsung ќе го претстави Galaxy Note 9 за еден месец, односно на 9-ти август. Тие самите во поканата за настанот, којшто ќе се одржи во Њујорк, го истакнаа S Pen пенкалцето, меѓутоа очекувано не дадоа повеќе информации зошто.

Тоа значи дека со сигурност можеме да очекуваме дека главната новина во Note 9 ќе бидат новите можности на S Pen, а веќе има и неофицијални информации за кои тие може да бидат.

Документ поднесен во FCC, односно американската Комисија за комуникации, открива во кој правец ќе бидат новите можности на S Pen, односно што може да се очекува.

Во документот се гледа дека S Pen ќе дојде со Bluetooth оваа година, па тоа покажува какви можности може да му бидат додадени на пенкалцето. Со користењето на Bluetooth технологијата се очекува S Pen да се користи за одредени активности на телефонот кои не се поврзани само со пишување на него.

Па така, на пример, S Pen се очекува да може да се користи за менување или пузирање на музиката на телефонот, стартување и стопирање на тајмерот и слично. Исто така, некои најавуваат дека S Pen ќе може да се користи и за сликање, што е одлично за одредени групни слики, како и за селфи.

Останува на претставувањето на Note 9 да видиме какви се функции ќе има S Pen и дали од Samsung имаат смислено некои додатни и интересни намени од овие на кои на повеќето може да ни текне во овој момент.

ИЗВОРDroidLife
ИЗВОР 2TechnoBuffalo
Претходна статијаПрва мејнстрим серија во која редовно играат глувонеми лица
Следна статијаSpace Nation Navigator е апликација која ги тренира идните астронаути
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.