By Google_VP_Engineering_Vic_Gundotra.jpg: Jolie O’Dellderivative work: Boseritwik – This file was derived from Google VP Engineering Vic Gundotra.jpg:, CC BY 2.0, https://commons.wikimedia.org/w/index.php?curid=20055967

Иако многумина од нас знаеме дека Android смартфоните не само што се конкурентни на iPhone кога е во прашање камерата, туку во многу случаи го имаат и надминато (Galaxy S8 и Google Pixel), има такви кои сѐ уште се крстат во можностите на iPhone.

Еден од нив интересно е поранешен директор во Google (Вик Гундотра), кој работел на неуспешниот Google + проект.

Според него, доволно е да се проба портрет модот на iPhone 7S Plus за да се види разликата на камерата на iPhone во однос на сите Android смартфони.

Искрено, лично многу пати го имам пробано овој мод и како и кај многу други смартфони и кај iPhone 7S Plus не функционира идеално, но сепак нема да се замешам во проценката на Вик.

Тој не само што вели дека во поглед на фотографијата iPhone е напред, туку надополнува дека Android производителите заостануваат неколку години зад iPhone во овој поглед. Проблемот според него лежи во самата отвореност на Android.

На пример, Samsung прави огромни чекори напред во квалитетот на вградената камера, но може да поминат години и години пред тие да бидат достапни во најразлични апликации во Android, бидејќи за тоа е задолжен Google. Овие ограничувања ги нема Apple, бидејќи има контрола и на софтверот и на хардверот.

Гундотра на крај завршува со изјавата дека никогаш не би купил Android смартфон доколку сака максимално добра фотографија од својот телефон. Сето ова е супер, но да бидам искрен, Гундотра и не е некој стручен за фотографија – има други луѓе кои треба да ги оценуваат квалитетите на камерата кај смартфоните, а и неговите оценки се особено паушални и нафрлени.

Јас само би дополнил дека за квалитетно камера искуство, ќе бидете супер задоволни од скоро секој смартфон од високата класа.

Извор: PhoneDog, Business Insider, XDA Developers

Претходна статијаApple AirPods 2 ќе имаат вентил со цел да не се чувствувате како да носите слушалки?
Следна статијаOutlook.com beta ви овозможува да ги тестирате новититете на овој сервис